sa totoo lang, naaasar ako sa mga schools of nursing na nagsasabi na madali lang ang nursing.  naaasar ako na isipin na magbayad ka lang ng 300,000 pesos per sem ay guaranteed na magiging nurse ka na after four years.

ulul! [censored]

sa totoo lang, ah!  sino’ng niloko n’yo?

ay, marami pala… [wink, wink]

pero in fairness, ‘di mo naman masisisi ang mga pilipino kung naghahangad sila ng magandang buhay.  ‘di mo sila masisisi kung gusto nilang mag-nursing para maiahon ang mga pamilya nila sa kahirapan.  ‘di mo masisisi ang mga doktor o engineer o abogado kung magna-nursing sila para makarating sa ibang bansa. 

mahirap ang buhay, eh.  lalo na dito sa pilipinas.

pero nananamantala naman ang mga schools of nursing na ‘to na nagsulputan na parang kabute.  naging in-demand lang ang nursing sa ibang bansa, eh naglabasan na na parang mga sari-sari store sa bawat kanto ng pilipinas.

bakit ko naihalintulad sa sari-sari store, kamo?  eh ginawa nang business ang nursing education ngayon, eh!  akala ng iba, ang nursing diploma ay yung tipo ng diploma na makukuha mo sa quiapo o recto – once paid for, makukuha mo na sa susunod na araw o sa araw na ‘yon mismo…

while you wait!

o kung alam lang nila!

akala kasi ng iba, ang nursing ay simpleng pagpupunas ng puwet ng mga dayuhan o pagsunod sa doctor’s orders o pagtutulak ng wheelchair o pagkuha lang ng vital signs o pagsusuot ng puting uniform with matching cap and stockings and shoes [cliché!] o pagpapaganda lang para ma-inspire ang mga pasyente na gumaling!

o kung alam lang nila!

akala kasi ng iba, basta alam mo na ang mga theories of nursing at kung kilala mo na si florence nightingale, eh pasado ka na sa board exams!  good luck!

o kung alam lang nila…

na nagsusunog kami ng kilay sa paggawa ng physical assessment with neuro assessment, nursing health history with risk factor assessment, holistic nursing care plan [meaning: body-mind-soul kasama], verbatim process recording, sandamakmak na research papers, community diagnosis, thesis, atbp. 

na kahit sabado, linggo, christmas break, at sem break ay ginagamit na namin para sa academics.  na imbis na itulog na lang ay nagbabasa pa sa pathophysiology para ‘di bumagsak kay dr. cambri.  na ang oras na itinulog ang siya ring dami ng maling sagot mo sa exam na meron every damn week!  na ang tulog mo na lang ay sa pagbiyahe at sa lecture ng boring na prof sa CAS. na kung pwede lang kainin ang mga pahina ng med-surg book para ma-impress si ma’am manahan ay ginawa na namin! 

na ang community health nursing ay immersion at ‘di lang basta-basta pangungumusta sa mga tao sa barangay.  na talagang mararamdaman mo kung paano mabuhay ang mga tao sa community dahil kakainin mo ang kinakain nila, matutulog ka sa tinutulugan nila, atbp.  na kung sinuwerte o minalasmalas ka [whichever way you put it] ay kay ma’am dones ka mapupunta.  at kung ‘di ka naman masyadong malas ay kay ma’am maglaya naman.  [kindat, kindat]

na halos ‘di na kami magkamayaw sa clinical duty at sa dami ng requirements na kailangang ipasa in one day.  na ang ‘di mga henyo ay mahihirapang makasabay. 

na kapag bumagsak ka sa math 11 ay delayed ka na ng isang taon at kung bumagsak ka pa after that ay dapat pag-isipan mo nang maghanap ng ibang nursing school.  na araw-araw, you’re confronted with the truth that you might not be here the next sem!

o kung alam ninyo lang…

na ‘di na pera ang habol namin ngayon.  [asus!]  na serbisyong tunay at mapagkakatiwalaan ang gusto naming maibigay sa sambayanan balang araw. [wushu!]  na minamahal na namin ang mga pasyenteng naaalagaan namin sa bawat ward o department na mapuntahan namin.  [ows?]  na kahit naisin namin na magtrabaho muna sa ibang bansa upang maiahon ang mga pamilya sa kahirapan ay nangingibabaw pa rin ang mga damdamin na magsilbi sa sariling bayan.  [charing!]  na mahal namin ang nursing ‘di dahil sa kung anong magagawa nito para sa amin, pero dahil sa magagawa namin para sa ibang tao.  [no comment.  (' ',) ]

idealist. pero totoo at some point.  sa sobrang hirap ng nursing, dapat ang iniisip na lang ng student nurses ay ang “for the greater good.”  anyway, nursing is an act of selflessness.

pahirapan ang nursing, maniwala ka.  kung ‘di ka nahihirapan sa nursing, mag-isip-isip ka kung nasa tamang school ka.  baka pineperahan ka lang at pinangangakuan ng magandang buhay.  baka pinapaasa ka lang.  pero in the end, ‘di mo maipasa-pasa ang boards. 

tandaan na hindi natutumbasan ng pera ang magandang kalidad ng edukasyon.

uulitin ko lang: mahirap ang nursing.  pero masaya, if you’re in it for the right reasons.  ‘nuff said.